რაფალე ვან დერ ვაარტმა პრეს-კონფერენცია გამართა და განაცხადა, რომ უწინდელი ფორმა უკვე აღიდგინა.

"სამეფო კლუბსა და "ბარსელონას" შორის სხვაობა 5 ქულაა. კატალონიელებს არცერთი მატჩი არ წაუგიათ, თუმცა ნუ დაგავიწყდებათ ის, რომ მათ ბერნაბეუზე მოუწევთ თამაში. მანამდე კი, შემდეგ ტურში, ისინი "ატლეტიკოს" წინააღმდეგ ითამაშებენ. ამ შეხვედრაში მე მადრიდულ კლუბს ვუგულშემატკივრებ."

"ტრავმები ფეხბურთიში ძალიან ხშირია. მე ტკივილებს აღარ ვგრძნობ და უკვე ოპტიმალურ ფორმაში ვარ, რადგან სპორტულ დარბაზში ძალიან ბევრს ვვარჯიშობდი."

"ხერესის წინააღმდეგ მატჩში თამაში და გოლის გატანა ჩემთვის შესანიშნავი საჩუქარი იქნება დაბადებისდღისთვის. ჩემი ოჯახი სტადიონზე შეიკრიბება და თამაშს თვალ-ყურს ადევნებს."

"რაც შეეხება ჩემპიონთა ლიგას, აქ ჩვენ "ლიონს" დავუპირისპირდებით. პირველი მატჩი გასვლაზე გვიწევს, სწორედ ამიტომ ჩვენ მინიმუმ ერთი გოლი მაინც უნდა გავიტანოთ, რათა განმეორებითი შეხვედრა უფრო მშვიდად ჩავატაროთ."

"ლა ლიგის წინა ტურში კაკამ ძალიან კარგი შეხვედრა ჩაატარა. იგი ნელ-ნელა ფორმაში შედის და იმედი მაქვს მისი დრო მალე მოვა. მე მას ფეხბურთელს ძალიან დიდ პატივს ვცემ."

"მე არ მინდა არბიტრებზე საუბარი. ჩვენ წინააღმდეგ ძალიან ხშირად უშვებენ შეცდომებს, რაც ძალიან გამაღიზიანებელია."