მსოფლიო საკლუბო ჩემპიონატის ფინალის წინ, ზინედინ ზიდანმა პრესკონფერენცია გამართა.

"აღნიშნული ტურნირი მეტად ნიშანდობლივია ჩვენთვის.იაპონიაში ტიტულის მოსაგებად ჩამოვედით.ვფიქრობ, რთული შეხვედრა გველოდება წინ.ვეცდებით, რომ ჩვენი ფეხბურთი მოვახვიოთ თავს მეტოქეს."კაშიმასთან" ადვილი გასეირნება ნამდვილად არ იქნება, მაგრამ გუნდი უკეთეს კონდიციებში ხვდება ფინალს."

"ეჭვგარეშეა, რომ მომავალმა მოწინააღმდეგემ დაიმსახურა ფინალის საგზურის მოპოვება.რა თქმა უნდა, არაერთი შეხვედრა განვიხილეთ მათი მონაწილეობით და შეიძლება ითქვას, საქმე გვაქვს კარგად ორგანიზებულ გუნდთან, რომელიც ბევრს დარბის.მაქსიმუმს გავაკეთებთ, რათა მოგებულნი დავბრუნდეთ მადრიდში."

"გამომდინარე იქედან, რომ იაპონიაში გვიწევს თამაში, "კაშიმას" ბევრი მხარდაჭერი ეყოლებდა მოედანზე, თუმცა არც სამეფო კლუბსაც არ აკლია ადგილობრივი ქომაგები.ჩამოსვლის დღიდან ვგრძნობთ მათ სიყვარულს."

"სერხიო ჩვენი კაპიტანია.საბედნიეროდ, მან სრულად მოიშუშა ტრავმა და ვიმედოვნებ, დაგვეხმარება ხვალინდელ მატჩში."

"დიდი ხანი არ არის, რაც სამწვრთნელო საქმიანობით ვარ დაკავებული.ჩემთვის ყოველი დღე ახალი გამოწვევაა.ძალიან ბევრის სწავლა შეიძლება ასეთი ტიპის შეხვედრებისაგან."

"როდესაც ინოვაციურ წამოწყებას აკეთებ, საჭიროა დრო ადაპტაციისათვის.რა თქმა უნდა, კარგია, როდესაც ტექნოლოგიის დახმარებით ცდილობ სხვადასხვა ასპექტების გაუმჯობესებას.ვფიქრობ, მოთმინებით უნდა მოვეკიდოთ "ვიდეო რეფერის" პროექტს.ვერავინ შეაჩერებეს ასეთ განვითარებას, მითუმეტეს ფეხბურთში."

"მიმდინარე წელს სამხრეთ ამერიკულმა გუნდმა ვერ მოიპოვა ფინალში თამაშის უფლება, რაც, ვგონებ, ნორმალური მოვლენაა.ეს კიდევ ერთხელ ცხადყოფს, თუ რაოდენ რთულია მუნდიალზე თამაში.ჯერ არაფერი გვაქვს მოგებული.ყოველი ასპარეზობა არის ბრძოლა და მსოფლიოს უნდა დაუმტკიცო, რომ შენ სხვაზე უკეთესი ხარ."

"2014 წლის საკლუბო ჩემპიონატის შემდეგ "რეალის" დაღმასვლა დაიწყო? არ ღირს ნეგატიურ ფაქტებზე ყურადღების გამახვილება.ტურნირის შემდეგ 1 კვირა ნაყოფიერად დავისვენებთ და შემდეგ შევუდგებით სრულყოფილ მზადების პროცესს 2017 წელს გასამართი თამაშებისათვის."

AS