ცნობილმა იტალიელმა ფეხბურთელმა, ფრანჩესკო ტოტიმ ჟურნალისტებთან საუბრის დროს განაცხადა, რომ რიკარდო კაკას რეალში გადასვლა დიდი შეცდომა იყო და მას მილანში უნდა დაესრულებინა კარიერა...

"კაკა მსოფლიოს ერთ-ერთი საუკეთესი ფეხბურთელია, ამ დონემდე რიკარდო სწორედ მილანში თამაშის დროს მივიდა, იტალიურ კლუბთან ერთად მაინც მოიგო ყველაფერი რისი მოგებაც შეიძლებოდა. "როსონერის" გულშემატკივრები მის მიმართ განსაკუთრებულ სიყვარულს იჩენდნენ, ჩემი აზრით კაკას მილანიდან წასვლა დიდი შეცდომა იყო".

"აშკარად ჩანს, რომ ბრაზილიელი ნახევარმცველი რეალში სათანადო დონეზე ვერ გამოდის, იგი ბევრ შეცდომას უშვებს და კრიტიკოსებიც ნელ-ნელა იმაღლებენ ხმას. საერთოდ იტალიური ფეხბურთიდან ესპანურ ფეხბურთზე მორგება არც ისე იოლი საქმეა, ადაპტაციის დროს რიკარდოს რა თქმა უნდა მისცემენ მაგრამ არამგონია მან ისეთივე მაღალი დონე აჩვენოს, როგორსაც "წითლებში" აჩვენებდა".

"კაკა მილანში უფრო ძლიერი იყო ვიდრე რეალში, ამის თქმა დარწმუნებით შემიძლია, მე მას წარმატებებს ვუსურვებ" - განაცხადა იტალიელმა ლეგენდარულმა ფეხბურთელმა.