ფერნანდო მორიენტესმა „ელ კლასიკოს“ წინ „რეალის“ დანაკლისებზე ისაუბრა...

„ვფიქრობ, გარეთ ბეილი ყველაზე დიდი დანაკლისია. უელსელი წინახაზელი ძალიან დიდ საქმეს აკეთებს და გუნდში მისი შემცვლელი არ არსებობს.“

„კროოსი თამაშის დამაბალანსებელია, მაგრამ ზიზუს განკარგულებაში ჰყავს ისეთი ფეხბურთელები, რომლებსაც შეუძლიათ მისი შეცვლა, რასაც ვერ ვიტყვით გარეთის შემთხვევაზე.“

„პირადად მე ოქროს ბურთს კრიშტიანო რონალდუს მივცემდი, ვინაიდან 2016 წელი მისი იყო და არა ლიონელ მესის.“

„ფაქტია, რომ „ნოუ კამპზე“ თამაში ჭირს, მაგრამ „ბარსელონაზე“ უფრო მეტი ზეწოლა იქნება, ვიდრე „რეალზე“. ხანდახან ისეც ხდება, რომ გასვლით თამაშში უფრო თავისუფალი ხარ.“

„სუპერჯახის შედეგი? ჩემი პროგნოზია 1-2, დანარჩენს შაბათს ვიხილავთ.“