როგორც იცით, შუა კვირაში სამეფო კლუბი "კოპა დელ რეის" ფარგლებში ჩაატარებს შეხვედრას.

მადრიდელი ფეხბურთელები "ლეონესას" მიიღებენ "სანტიაგო ბერნაბეუზე," რომელიც რამდენიმე დღის წინ 1–7 დაამარცხეს სტუმრად.სრულიად ფორმალურ მატჩში ზიდანი გადახალისებულ თერთმეტეულს გაიყვანს მწვანე მინდორზე და ლიდერებს დაასვენებს.

სხვადასხვა გამოცემების ცნობით, ფრანგი სპეციალისტი ისეთ მოთამაშეებს მისცემს თავის გამოჩენის საშუალებას, როგორებიც არიან: კასილია, ნაჩო, დანილო, ხამესი, ასენსიო, მარიანო, ენცო და ოდეგარი.აღსანიშნავია, რომ მათ შორის იქნება კაზემიროც.ამ უკანასკნელმა ახლახან მოიშუშა ტრავმა და დიდხნიანი უთამაშებლობის შემდეგ, პირველად მოუწევს საქმეში ჩართვა.

სავარაუდოდ, თუ ყველაფერი ბრაზილიელის სასიკეთოდ წარიმართა, ის ძირითადი წუთებიდან დაიწყებს "ელ კლასიკოსაც."

MARCA