კოლუმბიის ნაკრების ნახევარმცველი არასახარბიელო მდგომარეობაშია.

ჯერჯერობით, გაურკვეველია ხამეს როდრიგესის მომავალი, რომელიც, მიმდინარე სეზონში, კოენტრაუს, მარიანოსა და კაზემიროს შემდეგ ყველაზე ნაკლებ დროს ატარებს მწვანე მინდორზე.

„რეალის“ ნახევარდაცვაში შექმნილი ვითარებიდან გამომდინარე, ივარაუდებოდა, რომ „ათიანს“ გზა გაეხსნებოდა სასტარტო შემადგენლობისაკენ, თუმცა ამაოდ.მეტიც, ზიდანი არც მეორე ნახევარში აძლევს თავის გამოჩენის საშუალებას მას.

თავის მხრივ, „რეალის“ ხელმძღვანელობა არ ფიქრობს როდრიგესის გაშვებას, რომელშიც ასტრონომიული თანხაა გადახდილი, მაგრამ თუ არაფერი შეიცვალა ფეხბურთელის სასიკეთოდ, ის აუცილებლად ჩაალაგებს ბარგს.

MARCA