ზიდანი: „რთული მატჩი გამოდგა“
სამეფო კლუბის დამრიგებელმა „სპორტინგთან“ მოგებული თამაში შეაჯამა.
„ვფიქრობ, საკმაოდ რთული დაპირისპირება გამოდგა და ეს ნორმალურია, რამეთუ საქმე ეხება ჩემპიონთა ლიგას, სადაც ყოველთვის ბრძოლაა გაჩაღებული, განსაკუთრებით სტუმრად ასპარეზობის დროს.მთავარია, როდესაც გოლს უშვებ ყურები არ ჩამოყარა და საფინალო სასტვენამდე ძალისხმევა არ დაიშურო 3 ქულის მოსაპოვებლად.მიუხედავად მეტოქის მიერ შექმნილი პრობლემებისა, ჩემმა შეგირდებმა წარმატებით გაართვეს თავი დაკისრებულ მოვალეობებს.კიდევ ერთხელ აღვნიშნავ, რომ „სპორტინგი“ კარგი გუნდია, იქ ბევრი მაღალი დონის შემსრულებელია თავმოყრილი.საბედნიეროდ, გახარებულნი ვბრუნდებით მადრიდში.“
„კარიმი როგორც ყოველთვის მოწოდების სიმაღლეზე გამოიყურებოდა.ჩვენ ვიცით თუ რა სარგებელის მოტანა შეუძლია მას გუნდისათვის, არა მხოლოდ გოლების, არამედ შესრულებული სამუშაოს ასპექტშიც.“
„დიახ, დღეს ფრანგებმა გამოიჩინეს თავი, თუმცა გამარჯვება მთლიანი გუნდის დამსახურებაა.“
„ვარანმა და რამოსმა ადგილები გაცვალეს მოედანზე, მაგრამ ამით არაფერი შეცვლილა.ისინი არაჩვეულებრივად გრძნობდნენ თავს.“
„ცხადია, ყოველ 3 დღეში თამაშის ჩატარება მძიმე ხვედრია.ალბათ, თვალსაჩინო იყო, რომ რიგ შემთხვევებში ენერგიის ნაკლელობას განვიცდიდით.“
„უკვე 30 შეხვედრის განმავლობაში არ წაგვიგია და ეს ფაქტი დამატებითი მოტივაციია ფეხბურთელებისათვის.ჩვენ მივიღწვით იმისაკენ, რომ რაც შეიძლება საუკეთესოდ შევასრულოთ დავალებები და მაქსიმალურად მომზადებულნი შევხდეთ ნებისმიერ ორთაბრძოლას.რა თქმა უნდა, ტემპის დაგდებას არ ვაპირებთ.“
AS
- 23 ნოემბერი 2016
- 2 642
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
