მადრიდული დერბის მოგებით, მადრიდის „რეალის“ ფეხბურთელებმა სატურნირო მდგომარეობა მნიშვნელოვნად გაიუმჯობესეს...

მოგეხსენებათ, კატალონიის „ბარსელონამ“ „მალაგასთან“ გაანიავა ქულები და მე-12 ტურის თავზე 26 ქულას აგროვებს.

დედაქალაქელებს 30 ქულა აქვთ და უკვე 4 ქულით ასწრებენ „ბლაუგრანას“, თუმცა ეს ყველაფერი არ არის.

ჩემპიონობისთვის კიდევ ერთი მებრძოლი გუნდი მადრიდის „ატლეტიკო“, გუშინდელი წაგების გამო მე-5 პოზიციაზე ჩამოქვეითდა და ზიდანის გუნდთან განსხვავებამ 9 ქულა შეადგინა.

ესპანელები უკვე მიუთითებენ, რომ მიმდინარე სეზონში „როხიბლანკოს“ საჩემპიონო შანსი მხოლოდ 5%-ია და ტიტულის მოსაგებად კვლავ „რეალი“ და „ბარსელონა“ გაუწევენ ერთმანეთს კონკურენციას.