ზინედინ ზიდანმა „ლეგიასთან“ მატჩის წინ პრესკონფერენცია გამართა...

„ცარიელი ტრიბუნების წინ თამაში იშვიათი და უცნაური გახლავთ, მაგრამ ასეც ხდება ხოლმე. მოტივაციის მხრივ პრობლემა არ არის, ვინაიდან ეს ჩემპიონთა ლიგის მატჩია, რომელიც განსაკუთრებულ დაძაბულობას ქმნის. ჩემი ფეხბურთელები პროფესიონალები არიან და ბოლომდე დაიხარჯებიან. როდესაც ფეხბურთელი ვიყავი „რომას“ წინააღმდეგ იტალიაში ცარიელ სტადიონზე ვითამაშე, მაგრამ ახლა სხვა რანგში ვარ.“

„მადრიდის „რეალში“ მუშაობა დიდი ბედნიერებაა და იმედი მაქვს, ესპანეთის დედაქალაქში დიდხანს დავრჩები. მაქსიმალურად ვცდილობ, კლუბი უმაღლეს დონეზე მოვამზადო.“

„მოწინააღმდეგეს დიდ პატივს ვცემთ და გვჯერა, რომ სამშობლოში გაცილებით უკეთესად ითამაშებენ და ქულების ასაღებად იბრძოლებენ.“

„სასტარტო შემადგენლობის შესახებ ვერაფერს გეტყვით, რადგან ფორმირება არ მომიხდენია. არ ვიცი ბენზემა ითამაშებს თუ მორატა, ორივე ფორვარდი ძალიან ბევრს მუშაობს და ცდილობს, გუნდს დაეხმაროს.“

„როდესაც კარგად ვთამაშობთ, ვცდილობთ კიდევ უფრო კარგად ვითამაშოთ. როდესაც ცუდად გამოვდივართ, მომენტებს ვაანალიზებთ და ვცდილობთ, ყველაფერი დავხვეწოთ. ეს ფეხბურთია, სადაც მუდამ გაუმჯობესებაზე ფიქრია საჭირო.“

„მოთამაშეები მხოლოდ ხვალინდელ დაპირისპირებაზე ფიქრობენ. 3 ქულის მოპოვების შემთხვევაში საქმეს გავიადვილებთ, ამიტომ ბოლომდე ბრძოლა და მოგებაზე ფიქრი გვმართებს.“

„ყოველთვის ვუყურებ იმ გუნდის თამაშებს, რომელიც ჩვენი მეტოქეა. „ლეგიას“ რამდენიმე მატჩი შევისწავლე. რთულია, რომელიმე მოთამაშის გამოყოფა, ვინაიდან მთავარი მწვრთნელი აქცენტს გუნდურ სულისკვეთებაზე აკეთებს.“

„შეგვიძლია ბევრი ვიმუშავოთ, საკუთარი სტილი გავაუმჯობესოთ და ყველა ტურნირზე ვიფიქროთ, რომელზეც გამოვდივართ. მათ შორის არის სამეფო თასიც, რომელიც „მერენგების“ ქომაგებს ძალიან უყვართ.“

„სამწუხაროა, რომ გულშემატკივარს ამ მატჩის ნახვის საშუალება მხოლოდ ეკრანიდან ექნება, მაგრამ ვერაფერს ვიზამთ. ვისურვებდი, რომ მსგავსი რამ აღარ განმეორდეს.“