ლა ლიგა სიურპრიზებით სავსეა...

მადრიდის „რეალმა“ შიდა ჩემპიონატი საკმაოდ მაღალ დონეზე დაიწყო და პირველ ადგილზე განთავსდა, თუმცა ამ ყველაფერს ძალიან ცუდი გაგრძელება მოჰყვა. 4 მატჩიდან 4-ის მოგების და 12 ქულის მოპოვების შემდეგ, ზიზუს გუნდმა ზედიზედ 3 ფრე „გამოაცხო“ და მხოლოდ 3 ქულა მოაგროვა. ამას დაემატა კიდევ ერთი ფრე ჩემპიონთა ლიგაზე.
დღესდღეობით „ბლანკოსმა“ პოზიციები შეირყია, თუმცა ფაქტია, რომ ზიზუს გუნდის შეცდომებს „ბარსელონა“ ვერ იყენებს. კატალონიურ კლუბს 7 ტურში 4 მოგება, 1 ფრე და 2 წაგება აქვს, რაც მათთვის ნამდვილად კატასტროფული შედეგია.

ზემოაღნიშნულიდან გამომდინარე, საჩემპიონო ბრძოლაში „სევილია“, „ატლეტიკო“ და „ვილიარეალი“ ჩაერთვნენ.

ექსპერტების აზრით, ადრე თუ გვიან ყველაფერი დალაგდება და ჩემპიონობისთვის კვლავ სამი გუნდი გამოაცხადებს პრეტენზიას, თუმცა ფაქტია, რომ ლა ლიგის მთავარი ფავორიტები მოწოდების სიმაღლეზე ვერ დგანან და ქულებს დაუგეგმავად ანიავებენ.