ლა ლიგის მეშვიდე ტური დასრულდა.

ესპანეთის სატურნირე ცხრილში მადრიდის "რეალმა" თანაქალაქელებს ("ატლეტიკოს") პირველი ადგილი დაუთმო. სამეფო კლუბმა 1-1 ითამაშა "ეიბართან", რაც ძალიან დიდი შანსი იყო "ბარსელონასთვის", დაეკავებინა საჩემპიონო პოზიცია, თუმცა "სელტას" ფეხბურთელებმა მათ ამის უფლება არ მისცეს. კატალონიელებმა მადრიდელთა საჩუქარი ვერ გამოიყენეს, ისინი გასვლაზე 4-3 დამარცხდნენ.

როგორც ზემოთ მოგახსენეთ, პირველ და მეორე ადგილს ახლა მადრიდული კლუბები იკავებენ. დიეგო სიმეონეს შეგირდებს ბურთების სხვაობით უკეთესი შედეგი აქვთ. ზიზუს გუნდი კი მეორე პოზიციას იკავებს. რაც შეეხება "ბარსელონას", კატალონიელები მეოთხე ადგილზე არიან.