„დავამტკიცეთ, რომ ძალიან ძლიერი გუნდი ვართ. ესპანელების წინააღმდეგ ასპარეზობა იოლი არ არის, მითუმეტეს დომინირება.“

„გამარჯვება შეგვეძლო, მაგრამ მომენტები „რეალსაც“ ჰქონდა. თითოეული გერმანელი ბედნიერია იმით, რომ დღეს „დორტმუნდმა“ ჩემპიონთა ლიგის მოქმედი ჩემპიონი სათანადოდ მიიღო და ანგარიში გაუსწორა.“

„ჩვენი მიზანი ყოველთვის მაქსიმალური შედეგის მიღება იქნება. ვიბრძოლებთ ჩემპიონობისთვის, შემართება ნამდვილად არ გვაკლია, აქედან გამომდინარე, ღრმად გვწამს, რომ მოტივაციისა და დიდი შრომის საფუძველზე მნიშვნელოვან ეტაპამდე მივალთ.“

„შეტევაში არ მოვიკოჭლებდით, მაგრამ უიღბლობა ნამდვილად იყო.“

„მსურს გამოვყო კეილორ ნავასი. მადრიდელთა მეკარე მოწოდების სიმაღლეზე იდგა, მან არაერთი ბურთი მოიგერია.“

„ჩვენი მიზანი ჯგუფურ ეტაპზე პირველი ადგილის დაკავებაა. მაქსიმალურად დავიხარჯებით იმისათვის, რომ „ბლანკოსი“ პირველ ადგილზე არ გავიდეს და ლიდერის სტატუსით ჩვენ ვისარგებლოთ.“

„ზიზუ ბრწყინვალე მწვრთნელია, თუმცა მას გარკვეულწილად გაუმართლა. ასეთ ასაკში და საწყის ეტაპზე „რეალის“ მწვრთნელობა ალბათ მხოლოდ რჩეულთა ხვედრია.“