მადრიდის „რეალში“ უკვე დიდი ხანია მთავარ პრობლემად ტრავმიანობა ითვლება...

ამ მხრივ შარშანდელი სეზონი კატასტროფულად შეიძლება მოინათლოს, როდესაც გუნდში თითქმის ყველა ფეხბურთელმა მიიღო დაზიანება, ზოგიერთმა კი რამდენჯერმე „მოახერხა“ მოედნის იძულებით დატოვება.

მიმდინარე სეზონში ანალოგიური სცენარი გრძელდება. ჯერ იყო კეილორ ნავასი, შემდეგ კრიშტიანო რონალდუ, რომელსაც დაბრუნებული და კვლავ ტრავმირებული კოენტრაუ დაემატა.

ამ თვეში არ გაუმართლათ ბრაზილიელებს. კაზემირომ უმძიმესი ტრავმა მიიღო და მისი თამაში 2016 წელს ეჭვქვეშ დგას, მარსელო ვიეირა კი ოქტომბერში დაბრუნდება.

უნდა აღინიშნოს, რომ ზიზუს რესურსი აქვს, მაგრამ ფაქტია, რომ მთავარ პრობლემად ფეხბურთელების მოედანზე არყოფნა ფიქსირდება.

ამ წუთისთვის „ბლანკოსს“ 4-5 ფეხბურთელი სწორედ დაზიანების გამო ვერ ეხმარება.