ჟოზე მოურინიომ ჟურნალისტების კრიტიკას უპასუხა...

„კრიტიკა ჩემთვის უცხო არ არის. მადრიდის „რეალში“ მისვლისას ჟურნალისტებმა „მიწასთან გამასწორეს“ და უსახური ფეხბურთის ჩვენებაში დამადანაშაულეს, მაგრამ ჩემი გუნდი სეზონში საშუალო 110 გოლს იტანდა, ასევე მოვიგე ჩემპიონატი, სამეფო თასი და ასე შემდეგ.“

„ის, რომ „რეალი“ ჩემპიონთა ლიგის მოგების გარეშე დავტოვე, დიდი გაუმართლებლობა იყო. 1/2 ფინალში სერიოზული შანსები გვქონდა, მაგრამ იღბალი ჩვენს მხარეს არ გახლდათ.“

„რაც შეეხება ახლანდელ სიტუაციას. ყურადღებას არ ვაქცევ, რას ბოდავენ ისინი, ვინც ფეხბურთის ყურება 2 წლის წინ დაიწყეს. მანჩესტერ „იუნაიტედთან“ ერთად არაერთ ტიტულს მოვიგებ, ამის ღრმად მწამს. ნამდვილი მანჩესტერელები მხარში მიდგანან და ჩემი სჯერათ, მე კი ვალდებული ვარ მოლოდინი გავამართლო.“

„პოგბა? ფრანგი ფეხბურთელი საკუთარ პოზიციაზე უკონკურენტოა, ამიტომ მთელი სეზონის მანძილზე დავეყრდნობი.“

„ძალიან მომწონდა და მომწონს ჩაბი ალონსო, ბასკ ფეხბურთელს მოედნის იშვიათი ხედვა აქვს, ის საოცრად ორგანიზებული და მობილიზებული ფეხბურთელია. „რეალში“ მუშაობის დროს, ჩაბის ძალიან ბევრ დავალებას ვაძლევდი, ვინაიდან ვთვლიდი, რომ ყველაფრის გაკეთება შეეძლო.“