მადრიდის „რეალი“ ისტორიული შედეგების დამყარებას განაგრძობს. ამჯერად, ზიზუს გუნდმა კიდევ ერთი სასიამოვნო პრეცენდენტი შექმნა...

საქმე იმაშია, რომ „სპორტინგთან“ გამარჯვება, მადრიდის „რეალისთვის“ ზედიზედ მეათე გამოდგა, რომელიც გუნდმა ჩემპიონთა ლიგის გახსნით მატჩებში მოიპოვა.

აღსანიშნავია, რომ პირველი ტურის 10 დაპირისპირებიდან 7 ბერნაბეუზე შედგა, 3 კი გასვლითი პაექრობა იყო. ყველაფერი ბრემენის „ვერდერთან“ 2-1 გამარჯვებით დაიწყო, გუშინ კი „მერენგებმა“ „სპორტინგი“ დაამარცხეს და სასიამოვნო ტრადიცია განაგრძეს.