მადრიდის „რეალის“ მთავარ მწვრთნელს, ზინედინ ზიდანს სანტიაგო ბერნაბეუზე ძალიან კარგი შედეგი აქვს...

მას შემდეგ, რაც ფრანგი სპეციალისტი „ბლანკოსს“ ჩაუდგა სათავეში, ლა ლიგის ეგიდით, საშინაო არენაზე 11 მატჩი გაიმართა, აქედან 10 შემთხვევაში კი „ბლანკოსი“ გამარჯვებული გამოდგა.

ასეთი სტარტით მადრიდის „რეალის“ მწვრთნელები ნამდვილად არ გამოირჩეოდნენ, ფრანგ ლეგენდას ერთ-ერთი საუკეთესო მაჩვენებელი აქვს.

ამასთანავე აღსანიშნავია, რომ ზიზუმ „ბარსელონას“ და „ატლეტიკოს“ შედეგები გააუმჯობესა, რომლებსაც შესაბამისად 9 და 8 მოგება ჰქონდათ.

11 მატჩში „ბლანკოსმა“ 43 გოლს მოუყარა თავი, ყველაზე მეტჯერ თავი კრიშტიანო რონალდუმ გამოიჩინა, რომლის ანგარიშზეც 15 ბურთია, მეორე ადგილზე კარიმ ბენზემა გახლავთ (8გოლი), მესამეზე კი გარეთ ბეილი, რომელმაც 6-ჯერ შეძლო მეტოქის კარის ბადის შერხევა.

საშუალო მაჩვენებლით, „ბლანკოსი“ საშინაო არენაზე თითო მატჩში 3.9 გოლს იტანს.