სანაკრებო პაუზიდან გამომდინარე, მადრიდის „რეალისთვის“ სექტემბრის მეორე ნახევარი რთული იქნება...

დედაქალაქელებს ნაკრებების შემდეგ 6 მატჩის გამართვა მოუწევთ, აქედან 2 ჩემპიონთა ლიგაზე, ხოლო 4 ლა ლიგაზე მოდის.

პირველი მეტოქე „ოსასუნა“ იქნება, შემდეგ გუნდი ჩემპიონთა ლიგაზე „სპორტინგის“ წინააღმდეგ იასპარეზებს. 18 და 21 სექტემბერს ზიზუს შეგირდები „ესპანიოლისა“ და „ვილიარეალის“ წინააღმდეგ გაილაშქრებენ.

24 სექტემბერს „ბლანკოსი“ „ლას პალმასს“ დაუპირისპირდება, თვეს კი ჩემპიონთა ლიგის მატჩი დახურავს, რომელიც „ბორუსიას“ წინააღმდეგ შედგება.