"რეალ მადრიდ კასტილიას" ფეხბურთელი, პაბლო სარაბია, საკმაოდ ცნობილია თავისი თამაშით.ახალგაზრდა მოთამაშეზე ნელ-ნელა იზრდება ინტერესი, ევროპული გრანდების სკაუტების მხრიდან.

სამეფო გუნდში სასტიკად გამორიცხავენ პაბლოს გუნდიდან გაშვებას, მეტიც, ფეხბურთელისა და გუნდის წარმომადგენლები უკვე შეხვდნენ ერთმანეთს.საქმიანი ვახშამი სარაბიასათვის ახალი კონტრაქტის შეთავაზებას ითვალისწინებდა.სავარაუდოთ, "თეთრები" 5 წლიან ხელშეკრულებას გაუფორმებენ ერთ-ერთი ნიჭიერ "კასტილიელს."

როგორც უკვე მოგახსენეთ, ევროპული გრანდები, განსაკუთრებით ინგლისელები, ძალზედ დაინტერესებულნი არიან სარაბიას ტრანსფერით.ამ დროისათვის არსებული ინფორმაციით, "ლივერპულისა" და "არსენალის" თავკაცები, პაბლოს სამომავლოდ თავიანთ შემადგენლობებში განიხილავენ, თუმცა შესაძლოა მერსესაიდულ-მეთოფეურ ოცნებებს რამდენიმე დღეში ახალმა კონტრაქტმა დაასვას დაღი.

თავად მოთამაშე თავის ინტერვიუებში აცხადებს, რომ სამეფო გუნდში ბედნიერად გრძნობს თავს.აღსანიშნავია, რომ ბოლო ტურში სარაბია არა "კასტილიას," არამედ "ჟუვენილ ბ"-ს რიგებში გამოჩნდა, სადაც "ატლეკოელ" თანატოლებთან მატჩში ეხმარებოდა ყოფილ თანაგუნდელებს.საბოლოოდ, "რეალის" ახალგაზრდებმა 1-0 მოიგეს ესოდენ მნიშვნელოვანი დერბი.