დღეს 31 აგვისტოა, სატრანსფერო ფანჯრის დახურვამდე კი საათები რჩება. თბილისის დროით ბაზარი ღამის 02:00 საათზე აღარ იქნება ხელმისაწვდომი.

რა მოლოდინები აქვთ მადრიდში? დედაქალაქში მაინც არ სჯერათ, რომ ფლორენტინო პერესი იჯარით გაშვებული ფეხბურთელების დაბრუნების გარდა არაფერს მოიმოქმედებს და ერთ ფეხბურთელს მაინც არ დაიმატებს.

ვრცელდება ინფორმაცია, რომ „ბლანკოსს“ თვალი მუსა სისოკოზე, ჟულიან დრაქსლერზე და რიკარდო როდრიგესზე აქვს დადგმული, თუმცა ამ უკანასკნელის შანსები კვლავაც მცირეა, ვინაიდან გუნდში კოენტრაუა.