ბოლო დროს, ესპანური პრესა ბევრს საუბრობს მსაჯების მიკერძოვებაზე "კატალონიელთა" მხრიდან.გიგანტი მადრიდული გამოცემები (ას-ი და მარკა), თითქმის ყოველი ტურის დასრულების შემდეგ მსაჯების არაადეკვატურობაზე დისკუსიებს მართავენ.

აღნიშნული თემა კიდევ უფრო აქტუალური გახდა, ბოლო ტურებში განვითარებული მოვლენებიდან გამომდინარე.მადრიდელი ჟურნალისტების ახალი კრიტიკა მსაჯების მიმართ ორმა საეჭვო ფაქტმა გამოიწვია.პირველი გახლავთ, კრიშტიანუ რონალდუს არასამართლიანი წითელი ბარათი, ხოლო მეორე კი "ბარსელონას" მიერ გატანილი გოლი "სპორტინგის" კარში (მედიის წარმომადგენლების თქმით, კატალონიელებმა ე.წ. აფსაიდიდან გაიტანეს გოლი).

პრესის პარალელურად, მსაჯების კომპეტენციაში ეჭვი შეაქვს "სევილიის" პრეზიდენტ, ხოსე მარია დელ დინოს: "ის, რომ "ბარსელონა" პირველი საფეხურზეა, ამაში დიდი წვლილი მსაჯებს მიუძღვით.მგონი ეს უკანაკსნელები საერთოდ ვერ ერკვევიან ფეხბურთში." ანდალუსიელთა პირველმა პირმა ასევე დასძინა, რომ თავისი გუნდი წელს უძლურია საჩემპიონო ბრძოლაში: "ლა ლიგა - ორი გუნდის საქმეა.ჩვენ უბრალოდ შეუძლებლად მიგვაჩნია ამდენი დანაკარგით ვიბრძოლოთ მწვერვალების დასაპყრობად.ბოლო წლებში "სევილია" პრიმერას გრანდთა სიას ღირსეულად შეუერთდა.ჩემი სურვილია, რომ წელს რომელიმე ტიტული მოვიგოთ, ან ლა ლიგის მესამე საფეხურზე დავასრულოთ ჩემპიონატი."

თავის მხვრივ, ამ გამოხმაურებებზე კომენტარი "ბარსას" "ბოსმაც" გააკეთა: "ისინი ცდილობენ ამგვარი ფორმით ზეწოლა მოახდინონ ჩვენს გუნდზე.სიმართლე გითხრათ, ამაში გასაკვირი არაფერია, რამეთუ ჩვენ დღესდღეობით საუკეთესონი ვართ."ბარსელონა" ასეთ სიტუაციაში ყოფნას შეეჩვია.დიდი იმედი მაქვს, რომ წელსაც "მშრალზე" დარჩებიან ისინი" - აღნიშნა ლაპორტამ.

როგორც ხედავთ, მართლაც არსებობს ეჭვები იმაზე, რომ კატალონიელებს მსაჯების დიდი თანადგომა აქვთ.

"ბარსას" არასმაართლიანი გოლი "სპორტინგის" კარში: