„მარკას“ ჟურნალისტები ზინედინ ზიდანის საოცარი სტარტის შესახებ არაერთ სტატიას წერენ...

პოპულარულმა გამოცემამ ფრანგი ლეგენდის პირველი ტური რაფაელ ბენიტესის სტარტს შეადარა. აღსანიშნავია, რომ „ბლანკოსმა“ პირველ ტურში ხიხონში ითამაშა და ბენიტესის სადებიუტო შეხვედრაში 0-0 დააფიქსირა.

მაშინდელი შემადგენლობა გაცილებით უფრო სოლიდური იყო, ვიდრე „სოსიედადთან“ არსებული კოლექტივი, რომელსაც უკვე ზინედინ ზიდანის დავალებების შესრულება უწევდა.

შარშან მოედანზე რონალდუც იყო, ახლა კი პორტუგალიელი საერთოდ განაცხადს მიღმა დარჩა, ის კვლავ რეაბილიტაციის კურსს გადის.

მაშინ „ბლანკოსის“ მეტოქე „სპორტინგი“ იყო, ახლა კი „სოსიედადი“, რომელიც ხიხონელებზე გაცილებით უკეთესი და აგრესიული ფეხბურთით გამოირჩევა, თანაც უნდა აღინიშნოს „ანოეტა“, სადაც ბასკები საოცრად თამაშობენ.

ზინედინ ზიდანმა რაფაელ ბენიტესი ყველა ასპექტში დაჯაბნა. იმედი ვიქონიოთ, ფრანგის ტრიუმფალური სვლა გაგრძელდება.