კრისტოფ მეტცელდერი ღიად აცხადებს, რომ ყველანაირად ცდილობდა სამეფო კლუბის დატოვებას ზამთრის სატრანსფერო ფანჯრის დროს, მაგრამ ეს ვერ მოახერხა. გერმანელი ფეხბურთელი დამწუხრებულია მისი დღევანდელი სიტუაციით, კრისტოფი თვლის, რომ მაღალ დონეზე თამაში მას თავისუფლად შეუძლია მაგრამ მანუელ პელეგრინი მხოლოდ გარაიზე აკეთებს აქცენტს.

"მსურს ვითამაშო უფრო დიდ ხანს, თითქმის მთელ სეზონს სათადარიგოთა სკამზე ვატარებ, ასეთ სიტუაციაში ვერაფრით შევცვლი ჩემს დღევანდელ მდგომარეობას, რომელსაც კატასტროფულად შევაფასებდი, ვთვლი, რომ მაღალ დონეზე თამაში ჯერ კიდევ შემიძლია მაგრამ არ მეძლევა საკუთარი ძალების დამტკიცების საშუალება".

"ზამთარის სატრანფერო ფანჯრის დროს მოლაპარაკებები იმართებოდა ბერლინის ჰერტასთან, მაგრამ შეთანხმებას ვერ მივაღწიეთ ფინანსურ დეტალებთან დაკავშირებით, მე და ჩემი აგენტი ყველანაირად ვცდილობდით, რომ გადავსულიყავი სხვა კლუბში , რადგან ვგრძნობ და ვხვდები, რომ ,,ბლანკოსში" ჩემი გადმოსვლა დიდი შეცდომა იყო".

"იმედი მაქვს მეორე წრეში გაცილებით უფრო მეტი სათამაშო დრო მომეცემა და მთავარი მწვრთნელი ნდობას გამომიცხადებს, სხვაგვარად ჩემი საქმე კიდევ უფრო ცუდად წავა, ერთი დარწმუნებით ვიცი, ზაფხულში ესპანეთს დავტოვებ" - განაცხადა გერმანელმა მცველმა.