მარკო ასენსიო გახლავთ მადრიდის „რეალის“ მე-5 ფეხბურთელი, რომელმაც ლა ლიგის დებიუტში გოლის გატანა მოახერხა...

პირველი ფეხბურთელი ემილიო ბუტრაგენიო გახლავთ, რომელმაც მადრიდული მაისური 1983/84 წლებში მოირგო და გოლის გატანაც შეძლო. ემილიოს ანგარიშზე არაერთი ტიტული ფიქსირდება.

მეორე ფეხბურთელი რაულ გონსალეს ბლანკოა. მისი დებიუტი 1994/95 წლების სეზონში შედგა. ელ კაპიტანომ „კადისის“ კარის აღება მოახერხა.

მესამე მოთამაშე ბრაზილიელი რობინიო გახლავთ, რომელიც „რეალმა“ „სანტოსიდან“ ზარ-ზეიმით შეიძინა. რობინიომ სადებიუტო გოლის გატანა 2005/06 წლების სეზონში მოახერხა.

მეოთხე ფეხბურთელი ისკო ალარკონია, რომელსაც „ბლანკოსში“ ბრწყინვალე სტარტი ჰქონდა და სადებიუტო შეხვედრაში „ბეტისს“ ლამაზი გოლი გაუტანა. მაშინდელი ფორმაციის „რეალში“, რომელსაც კარლო ანჩელოტი ხელძღვანელობდა ისკო უდავო ლიდერი გახლდათ.

და ბოლოს - მარკო ასენსიო არის ფეხბურთელი, რომელმაც ეფექტური დარტყმით სადებიუტო პაექრობაში მოახერხა მეტოქის კარის ბადის გარღვევა.

ზემოხსენებულმა ფეხბურთელებმა „ბლანკოსთან“ ერთად ძალიან ბევრი ტიტული მოიგეს. იმედი ვიქონიოთ, მარკო ასენსიოც გაიზიარებს მათ ბედს.