ლეგენდარულმა იტალიელმა სპეციალისტმა, ფაბიო კაპელომ მადრიდის „რეალზე“ ისაუბრა...

„სერია „ა“-ში სერიოზული კრიზისი იყო, მაგრამ ნელ-ნელა ყველაფერი ვითარდება, რაც პირველ რიგში ტურინის „იუვენტუსის“ დამსახურება გახლავთ. ფაქტია, რომ იტალიის ჩემპიონატის დონემ მნიშვნელოვნად იკლო და განვითარება სჭირდება.“

„მილანური კლუბები ყოველთვის მოწოდების სიმაღლეზე იდგნენ, ახლა კი ყველაფერი შეცვლილია. ვფიქრობ, „ინტერსა“ და „მილანს“ მეტი აქტივობა მართებთ, სხვაგვარად საერთო დონის აწევა რთული იქნება.“

„ასევე უნდა აღინიშნოს „რომა“, რომელსაც წლების მანძილზე ვწვრთნიდი. ეს გუნდი ჩემთვის ძალიან მნიშვნელოვანია.“

„დღევანდელი მდგომარეობაში სერია „ა“-ს ვერცერთი გუნდი ვერ მივა ზინედინ ზიდანის „რეალთან“. ტურინის „იუვენტუსი“ მადრიდულ კოლექტივს ყოველთვის პრობლემებს უქმნის, მაგრამ საერთო დონით მნიშვნელოვნად ჩამოუვარდება.“

„მადრიდელებს აქვთ უდიდესი ფინანსური რესურსი და ინფრასტრუქტურა იმისათვის, რომ იყვნენ წარმატებულნი.“