ფლორენტინო პერესმა ალვარო მორატა ოფიციალურად წარადგინა...

„მოგესალმებით მადრიდისტებო, დამსწრე საზოგადოება. მივესალმები ალვარო მორატას და მის ოჯახს. დღეს ჩვენთვის მნიშვნელოვანი დღეა. მადრიდის „რეალი“ ოფიციალურად
გამცნობთ, რომ მომდევნო სეზონიდან მორატა ჩვენი კლუბის ღირსებას დაიცავს. ჩვენ კიდევ უფრო გავძლიერდით, ვინაიდან ალვარო შემოგვემატა. შარშანდელმა გუნდმა ჩემპიონთა ლიგის მოგება შეძლო, მაგრამ ჩვენ კიდევ უფრო წინსვლა გვსურს, ამიტომ ვძლიერდებით.“

„მაღალი მოთხოვნების და დიდი კონკურენციის გამო, ყველას არ ძალუძს მადრიდის „რეალის“ მთავარი გუნდის მაისურის მორგება, მაგრამ ალვარომ ეს მოახერხა, ვინაიდან მსოფლიოს ერთ-ერთი საუკეთესო ფორვარდია. იტალიაში მორატამ დიდი გამოცდილება მიიღო, რომელსაც ახლა მშობლიურ კლუბს მოახმარს. დარწმუნებული ვარ, თითოეული მადრიდისტა ბედნიერია, რადგან ჩვენი აღზრდილი მშობლიურ კლუბში დაბრუნდა.“

„მე ზინედინ ზიდანთან ერთად დიდი პროექტების განხორციელებას ვგეგმავ და ეჭვი არ მეპარება, რომ ალვარო ამ დიდი წარმატების მონაწილე და ერთ-ერთი შემოქმედი იქნება. მიხარია, რომ „კანტერანო“ ისევ ჩვენთან ერთადაა.“