ლა ლიგის 2016/17 წლების სეზონის სულ მალე აიღებს სტარტს...

აღსანიშნავია, რომ მადრიდის „რეალს“ საწყის ტურებში საკმაოდ სოლიდური მეტოქეები ეყოლება.

21 აგვისტოს ზიზუს გუნდი რეალ „სოსიედადის“ წინააღმდეგ ითამაშებს. საყოველთაოდ ცნობილი ფაქტია, რომ ბასკური კლუბის სტადიონი „ანოეტა“ ყოველთვის რთულად დასაძლევი ბარიერია.

მეორე ტურში მადრიდისტები საშინაო არენაზე იასპარეზებემ, მათი მეტოქე „სელტა“ იქნება, შეხვედრა 27 აგვისტოს არის ჩანიშნული.

მესამე ტურში „ბლანკოსი“ კვლავ ბერნაბეუზე რჩება და ახლადგადმოსულ „ოსასუნას“ მასპინძლობს. პაექრობა 10 სექტემბრით თარიღდება.

მეოთხე და მეხუთე ტურებში მადრიდული გუნდი ჯერ ბარსელონაში ჩავა „ესპანიოლთან“ სათამაშოდ, ხოლო შემდეგ „ვილიარეალს“ მიიღებს საშინაო კედლებში.

როგორც ხედავთ ლა ლიგის სტარტი „მერენგებისთვის“ იოლი ნამდვილად არ იქნება.

წარმატებები ვუსურვოთ ჩვენს საყვარელ გუნდს !