Don Balon იუწყება, რომ მადრიდის „რეალმა“ მესუთ იოზილის დაბრუნებასთან დაკავშირებით საკუთარი პოზიცია დააფიქსირა...

სამეფო კლუბის ხელმძღვანელობას ძალიან კარგად ესმის, რომ გერმანელი ნახევარმცველი მსოფლიოში ერთ-ერთი საუკეთესოა. მისი ხედვები, მანევრი და სხვა მონაცემები ნებისმიერი კლუბის ხელმძღვანელობას აღაფრთოვანებს, თუმცა დედაქალაქში ფიქრობენ, რომ 2013 წელს განვითარებული მოვლენები დავიწყებას არ უნდა მიეცეს. მაშინ მესუთი გუნდიდან გაიქცა, ვინაიდან რამდენიმე მატჩში კარლო ანჩელოტიმ მოედანზე ისკო გაიყვანა, იოზილი კი სათადარიგოთა სკამზე დატოვა.

იოზილს როგორც სჩანს, ტიტულების მოგება სწყურია და მადრიდში დაბრუნებაზე ოცნებობს. უკვე 3 წელია მესუთი მადრიდს დაემშვიდობა, ამ ხნის განმავლობაში კი „ბლანკოსმა“ ჩემპიონთა ლიგისა და ევროპის სუპერთასის მოგება 2-ჯერ შეძლო, ასევე „მერენგების“ აქტივშია სამეფო თასი და მსოფლიო საკლუბო ჩემპიონატი.

მადრიდში მიიჩნევენ, რომ ნახევარდაცვაში კაზემირო, მოდრიჩი, კროოსი, ასენსიო, კოვაჩიჩი, ისკო და ხამეს როდრიგესი საკმაოდ დიდ რესურსს წარმოადგენს, ამიტომ იოზილის დაბრუნება არ განიხილება.

ინფორმაცია ოფიციალური რაღა თქმა უნდა არ არის, აქედან გამომდინარე, დაველოდოთ მოვლენათა განვითარებას.