ბრიტანულ გამოცემებზე დაყრდნობით, მადრიდის „რეალმა“ და ლონდონის „არსენალმა“ შესაძლოა, შეთანხმებას მიაღწიონ...

არსენ ვენგერი ხამეს როდრიგესის შეძენით ინტერესდება, თუმცა მოლაპარაკებების წარმატებით დასრულება ჯერ-ჯერობით ვერ ხერხდება. ამასთანავე ვრცელდება ინფორმაცია, რომ მესუთ იოზილმა „მეთოფეებთან“ ახალ კონტრაქტზე უარი თქვა და მადრიდის „რეალში“ გადასვლაზე ალაპარაკდა.

ინგლისურ გამოცემებზე დაყრდნობით, მომდევნო კვირებში შესაძლოა, საინტერესო ბარტერი ვიხილოთ და კოლუმბიელი „ათიანი“ ლონდონში აღმოჩნდეს, ხოლო „ბლანკოსს“ ყოფილი „ათიანი“ დაუბრუნდეს.

რაც შეეხება ფინანსურ დეტალებს. გამომდინარე იქედან, რომ იოზილს ახალი კონტრაქტი არ სურს, ფლორენტინო პერესი მაქსიმალურად ცდილობს, რომ შეთანხმებას მომგებიანად მიაღწიოს.

წინასწარი ინფორმაციით, „ბლანკოსმა“ ხამესის სანაცვლოდ მესუთი და 25 მილიონი ევრო უნდა მიიღოს.

დაველოდოთ მოვლენათა განვითარებას...