მარსელო ვიეირამ კლუბში არსებულ ვითარებასა და მთავარ მწვრთნელზე ისაუბრა...

„ზინედინ ზიდანი გრანდიოზული პერსონაა. ფრანგმა ლეგენდამ უმოკლეს დროში აჩვენა, რომ სამწვრთნელო კარიერაც ძალიან მაღალი დონის ექნება. ზიზუს ბრწყინვალედ ესმის ფეხბურთელების.“

„წაგება? ზიდანს მარცხი არ უყვარს, მისი მიზანი ყოველთვის გამარჯვებაა, მას უყვარს ბურთის კონტროლზე ფიქრი და სხვადასხვა სქემის მოფიქრება.“

„კაზემირო? ჩემი თანამემამულე მსოფლიოს საუკეთესო ნახევარმცველებთან ერთად ვარჯიშობს. ალბათ დიდი პატივია, როდესაც ტონი კროოსისგან და ლუკა მოდრიჩისგან ისმენ დარიგებებს. ახალგაზრდული ასაკის მიუხედავად, კაზემ ჩემპიონთა ლიგის 2 თასის მოპოვება შეძლო და საკმაო გამოცდილება დააგროვა.“

„ჩემთვის და თანაგუნდელებისთვის ევროპის სუპერთასზე თამაში დიდი პატივია, აქამდე დიდი გზა გამოვიარეთ. მზად ვართ, ვიბრძოლოთ და თასი მოვიპოვოთ.“

„სეზონის სტარტზე ასეთი თასის მოგება მეტად სასიხარულო იქნება, ამიტომ ბოლომდე ვიბრძოლებთ. ევროსარბიელზე მადრიდის „რეალის“ ფეხბურთელებმა დიდი დრო დაჰყვეს, ამიტომ კოლექტივი სრულად შეკვრას ვერ ახერხებს, თუმცა დარწმუნებული ვარ, ყველაფერი ისე იქნება, როგორც „ბლანკოსის“ ქომაგებს სურთ.“

„არ შემიძლია ავხსნა, რა ვიგრძენი მაშინ, როდესაც კრიშტიანო რონალდუმ „ატლეტიკოს“ კარში გადამწყვეტი დარტყმა გოლად გადასახა და მადრიდის „რეალმა“ მეთერთმეტე თასი მოიგო.“