სერხიო რამოსმა მადრიდის „რეალის“ გეგმებზე ისაუბრა...

„2016 წელს კიდევ ორი ტურნირის მოგება შეგვიძლია. პირველს 9 აგვისტოს მოვიგებთ, მეორეს კი დეკემბრის ბოლოს, როდესაც მსოფლიო საკლუბო ჩემპიონატი დასრულდება. ჩვენ ეს შეგვიძლია და ბოძებული შანსი აუცილებლად უნდა იქნას გამოყენებული.“

„პრე-სეზონი ნაყოფიერია, თუმცა ევროპის ჩემპიონატის გამო, გუნდი მთლიანად ვერ შეიკრა, ასევე აღსანიშნავია კრიშტიანო რონალდუს ტრავმა, რაც დამატებით პრობლემებს ქმნის. პორტუგალიელი ფეხბურთელის დახმარება ძალიან გვჭირდება.“

„საბედნიეროდ, ახალგაზრდა კასტილიელები საოცარ მონდომებას გვაჩვენებენ, მჯერა, რომ 3-4 წელიწადში მადრიდის „რეალის“ მთავარი გუნდის ნახევარი სწორედ კანტერანოებით იქნება დაკომპლექტებული, ვინაიდან მათში უდიდესი ნიჭი და ტალანტია.“