როგორც იცით მადრიდის რეალმა გუშინ უმნიშვნელოვანესი გამარჯვება მოიპოვა და აღსანისნავია, რომ ,,თეთრებმა" ეს ყველაფერი გუნდის უდავო ლიდერის კრიშტიანუ რონალდოს გარეშე მოახერხეს.

მოდით გავიხსენოთ მატჩი ,,ვალენსიას წინააღმდეგ. ამ შეხვედრაშიც აკლდა რეალს პორტუგალიელი, მაგრამ სამეფო კლუბმა მაინც გამარჯვება იზეიმა. ანალოგიური მოხდა ,,დეპორტივოსთან" მატჩშიც. ამით იმის თქმა კი არ მინდა, რომ რონალდო რეალს არ სჭირდება, არამედ მინდა დავამტკიცო ის, რომ რეალს მის გარეშეც შეუძლია მნიშვნელოვანი მატჩების მოგება. რეალმა უკვე 2-ჯერ დაამტკიცა, რომ ის არ არის დამოკიდებული პორტუგალიელ კაშკაშა ვარსკვლავზე. კიდევ ერთხელ ვიმეორებ, რომ მასზე ბევრია დამოკიდებული, მაგრამ არა ყველაფერი. დაე ,,დეპორტივოსთან" მატჩი იყოს საბაბი, იმისა, რომ ჩვენ ბიჭებს მის გარეშეც შეუძლიათ ლამაზი მატჩის ჩვენება. მადრიდელებმა გუშინდელი სპექტაკლით მთელი კრიტიკოსებით მოცული მსოფლიო დაადუმეს და 18 წლიანი ნავსიც გატეხეს.