"პსჟ"-ს მთავარმა მწვრთნელმა, უნაი ემერიმ "რეალის" შემტევის, ხესე როდრიგესისადმი დაინტერესებაზე ისაუბრა.

რამდენიმე დღის წინ ესპანურმა გამოცემამ გააჟღერა ინფორმაცია, რომ საფრანგეთის ჩემპიონებს ხესე როდრიგესის დამატება სურთ. ამასთანავე, მათ დაიწყეს მოლაპარაკება ესპანელის ტრანსფერზე.

"ხესე? - ყველაფერი შეიძლება მოხდეს. ის შესანიშნავი ფეხბურთელია," - განაცხადა ემერიმ.

გავრცელებული ინფორმაციით, ხესემ "სამეფო გუნდის" ხელმძღვანელობას სათამაშო პრაქტიკის მიცემა მოსთხოვა. "რეალთან" ახალგაზრდა ფეხბურთელს კონტრაქტი მომავალ წელს ეწურება.