როგორც ესპანური გამოცემები იტყობინებიან, მადრიდის „რეალის“ მთავარი მწვრთნელი, ზინედინ ზიდანი ახალ ტაქტიკაზე მუშაობს...

უკვე გადაწყვეტილია, რომ ევროპის სუპერთასის დაპირისპირებაში კრიშტიანო რონალდუ არ ითამაშებს, აქედან გამომდინარე, ზიზუ გეგმა „ბ“-ზე გადადის.

ფრანგ სპეციალისტს სურს, რომ ორი ფორვარდით ითამაშოს და წინა ხაზი მორატა-ბენზემას დუეტმა გაამაგროს.

„სევილიასთან“ დაპირისპირებამდე გუნდი 3 პაექრობას გამართავს, სამივე მეტოქე ანგარიშგასაწევია და ახალი ტაქტიკის გამოცდა წარმატებით შეიძლება.

თუ ახალი სქემა გაამართლებს, სუპერთასზე ორ ფორვარდს ვიხილავთ, შემდეგ კი არ არის გამორიცხული, ოფიციალურ პაექრობებში სხვა ტაქტიკით მოთამაშე „ბლანკოსი“ ვიხილოთ.