ესპანურ გამოცემებზე დაყრდნობით, გარეთ ბეილის კონტრაქტი მრავალწლიანი იქნება...

უელსელი ფეხბურთელი „ბლანკოსში“ 2013 წელს გადავიდა და 6 წლიან კონტრაქტს მოაწერა ხელი, მოქმედი ხელშეკრულება „რეალს“ ნერვიულობის საბაბს ნამდვილად არ აძლევს, მაგრამ ფლორენტინო პერესი თადარიგს იჭერს და გარეთს ახალ, გაუმჯობესებულ პირობებს სთავაზობს.

არაოფიციალური ინფორმაციით, ხელშეკრულების ვადა 2023 წლამდე გაიზრდება.

გარეთს 16 ივლისს 27 წელი უსრულდება, ახალი კონტრაქტის ამოწურვისას კი 34 წლის იქნება.

ამასთანავე ვრცელდება ინფორმაცია, რომლის მიხედვითაც, უელსელი გაუმჯობესებულ სახელფასო პირობებსაც მიიღებს, მაგრამ ციფრები ცნობილი არ არის.