მადრიდის "რეალის" მეკარეს, ერჟი დუდეკს სჯერა, რომ სამეფო კლუბი "ბარსელონასთან" ქულების შემცირებას შესძლებს. დუდეკმა ასევე ისაუბრა იკერ კასილასზე და კრიშტიანო რონალდოზე.

"ჩვენი გუნდი ძალიან დიდია. როდესაც ფეხბურთელს პატარა შანსი მაინც მიეცემა, თავი უნდა გამოიჩინოს, რათა მომავალში მწვრთნელი მას ენდოს."

"რაც რონალდოს შეემთხვა ძალიან სამწუხაროა. მე დარწმუნებული ვარ, რომ იგი მოწინააღმდეგის დაზარალებაზე არ ფიქრობდა და ეს ინციდენტი შემთხვევითი იყო. ვფიქრობ ორმატჩიანი დისკვალიფიკაცია გადამეტებულია. მართალია კრიშტიანო მაღალი დონის ფეხბურთელია, მაგრამ იმედი მაქვს მის არყოფნაში ორივე მატჩის მოგებას შევძლებთ. ამის ნათელი მაგალითი "ვალენსიასთან" ჩატარებული შეხვედრაა."

"რაც შეეხება კასილასს, იგი მსოფლიოს საუკეთესო მეკარეა. იკერი არის მანქანა, რომელიც ძალიან მოქნილია და ყველაფერს აკეთებს გუნდის გადასარჩენად. მე ყოველ დღე ძალიან ბევრს ვვარჯიშობ, რათა მწვრთნელმა შანსი მომცეს."

"ლა ლიგის მეორე წრეში "ბარსელონასთან" სხვაობა მაქსიმალურად უნდა შევამციროთ. მე დარწმუნებული ვარ, რომ წელს ჩვენ გავხდებით ჩემპიონები."