მადრიდის "რეალის" ცენტრალურ მცველს გუნდის დატოვება სურს.

რაფაელ ვარანმა ხანგრძლივი ფიქრის შემდეგ გადაწყვეტილება მიიღო, რაც გამოწვეულია იმით, ახალგაზრდა ფრანგი ფეხბურთელი იშვიათად გამოდის სასტარტო შემადგენლობაში. ზინედინ ზიდანის დანიშვნის შემდეგ ვარაუდობდნენ, რომ პეპესა და რამოსის დუეტი დაიშლებოდა, თუმცა ვარანი მაინც თადარიგში რჩება. მეტსაც გეტყვით, პეპე სამეფო კლუბთან კონტრაქტს ახანგრძლივებს, რაც იმას ნიშნავს, რომ რაფაელის სათადარიგოთა სკამზე ყოფნის ალბათობა კვლავ არსებობს.

ვარანის შეძენით დაინტერესებული არის, "მილანი", მანჩესტერ "სიტი" და მანჩესტერ "იუნაიტედი". ყველაზე დიდი შანსი "წითელ ეშმაკებს" აქვთ, რადგან მათი ახალი მთავარი მწვრთნელი, ჟოზე მოურინიო შესანიშნავად იცნობს ფრაგნ მცველს და მას ძირითად შემადგენლობაში თამაშის გარანტიას აძლევს.