ზინედინ ზიდანი მადრიდის „რეალში“ საკადრო ცვლილებებს იწყებს...

უკვე ცნობილია, რომ ალვარო არბელოა მადრიდის „რეალში“ აღარ ითამაშებს, თუმცა მასთან ერთად კლუბის მაისურს ვეღარც დენის ჩერიშევი მოირგებს, რომელიც იჯარის წესით „ვალენსიაში“ თამაშობს.

მესამე ფეხბურთელი ალვარო მორატაა, რომელიც უკვე ორი წელია იტალიაში ცდილობს შესაძლებლობების დამტკიცებას, ზიზუს გადაწყვეტილებით, ესპანელიც გასხვისდება, მაგრამ ჯერ-ჯერობით უცნობია კანტერანოს მომავალი.

ზინედინი ნაჩო ფერნანდესის გაშვებაზეც ფიქრობს, რომლის დამატებითაც „ნაპოლი“ ინტერესდება. ასევე უნდა აღინიშნოს ლუკას სილვა, რომელიც მადრიდში 30 ივნისს გამოცხადდება და პრეზიდენტთან შეხვედრას გამართავს.

ასევე ბევრი საუბარი მიმდინარეობს მატეო კოვაჩიჩის „იუვენტუსში“ გადასვლასთან დაკავშირებით, მოლაპარაკებები საკმაოდ ინტენსიურად მიმდინარეობს.

ასევე ვრცელდება ინფორმაცია, რომ ზინედინი ხესუს ვალეხოს კვლავაც სარაგოსაში დატოვებს, ის „რეალმა“ შარშან ზაფხულს დაიმატა და ამჟამინდელ კლუბში იჯარის წესით დატოვა.

და ბოლოს, ხამეს როდრიგესი. კოლუმბიელი ფეხბურთელის მომავალი ბურუსით არის მოცული, ამასთანავე ცნობილია, რომ მას ზიზუ არ სწყალობს.