სერხიო რამოსმა „ბლანკოსის“ ოფიციალურ ვებ-გვერდთან ისაუბრა...

„თითოეული შეცდომა შესაძლოა, საბედისწერო გამოდგეს, ამიტომ ყველაფერს გავაკეთებთ ხარვეზების მინიმუმამდე დასაყვანად. მეტოქეს კარგად ვიცნობთ და შესაძლებლობებსაც ვითვალისწინებთ.“

„უკვე დიდი ხანია „ბლანკოსში“ ვირიცხები, მაგრამ ეს სეზონი იმ მხრივ არის განსაკუთრებული, რომ კაპიტანი ვარ. ვიმედოვნებ, ამ რანგში თასის აღმართვას ვიზეიმებ და დიდ სიხარულს მადრიდისტებთან ერთად „სიბელესზე“ გამოვხატავ.“

„შეცდომა ტიტულის წაგებად შეგვიძლია დაგვიჯდეს, ამიტომ ძალიან დიდი ყურადღებით და 200%-იანი კონცენტრაციით თამაში გვმართებს.“

„2 წლის წინ ჩემპიონები გავხდით. 24 მაისი ჩვენთვის განსაკუთრებულ თარიღად დარჩება, ვინაიდან სწორედ ამ დღეს დავეუფლეთ თასს. ვეცდებით, წარმატება გავიმეოროთ და კოლექციას მეთერთმეტე შევმატოთ.“

„მადრიდისტების მხარდაჭერა აქამდე მნიშვნელოვანი იყო, მაგრამ სეზონის გადამწყვეტ მატჩში კიდევ უფრო დიდი მნიშვნელობა მიენიჭება. იტალიაში არაერთი ქომაგი იქნება, რომელიც მეთორმეტე ფეხბურთელის როლს შეასრულებს.“