ლუკას ვასკესმა და სამეფო კლუბის ლეგენდამ, რობერტო კარლოსმა სპორტუგალი გამომცემლობა "მარკასთვის" ერთობლივი ინტერვიუ ჩაწერეს.

"ლიგის ფინალში კონცენტრაცია უნდა მოვახდინოთ მატჩზე და შანსები გამოვიყენოთ. "ატლეტიკო" დაცვაში შეუდარებლად თამაშობს, თუმცა თუ ჩვენთვის სასურველ კონდიციაში ვიქნებით აუცილებლად გავიმარჯვებთ."

"ჩემი კარიერის უმნიშვნელოვანესი მატჩი ახლოვდება. დიდი ენთუზიაზმი, შემართება და მოლოდინია. მინდა, რომ მილანში გამართული ფინალი კარგად დამამახსოვრდეს. ყველაფერს გავაკეთებთ იმისთვის, რომ მეთერთმეტედ აღვმართოთ ლიგის თასი."

"მადრიდის "რეალის" ამჟამინდელ სტაფში თუ ვინმე იმსახურებს ჩემპიონობას, ეს ზინედინ ზიდანია. იგი გასაოცარი პიროვნებაა, რომელთან მუშაობაც დიდი ბედნიერებაა. ზიზუ თავის გამოცდილებას გვიზიარებს და თავის ხედვებზე გვიყვება, რაც ჩვენთვის უმნიშვნელოვანესია."