გავიდა სამი კვირა მას შემდეგ, რაც მადრიდის "რეალის" საუკეთესო მეგოლემ ტრავმა მიიღო. დღესდღეისობით იგი ნელ-ნელა მწყობრში დგება და როგორც Marca იტყობინება გონსალო იგუაინი სამეფო კლუბს "დეპორტივოს" წინააღმდეგ მატჩში დაუბრუნდება.

პიპიტაზე ძალიან ბევრი რამ იქნება დამოკიდებული ლა ლიგის მეორე წრის პირველ მატჩში, რადგან გუნდს დისკვალიფიკაციის გამო ვერ დაეხმარება კრიშტიანო რონალდო.

შეგახსენებთ, რომ ფორვარდმა ბოლო მატჩი "მალიორკას" წინააღმდეგ ჩაატარა, სადაც მან მე-8 წუთზე გოლი გაიტანა და თავისი გუნდი დააწინაურა. ეს შეხვედრა თეთრების გამარჯვებით, ანგარიშით 2-0 დასრულდა.