ზინედინ ზიდანმა მატჩისშემდგომი პრესკონფერენცია გამართა...

„რაც შეგვეძლო, ყველაფერი გავაკეთეთ. ზედიზედ მერამდენე დაპირისპირება მოვიგეთ იმისათვის, რომ ჩემპიონობა შეგვძლებოდა, მაგრამ არ გაგვიმართლა. „ბარსელონამ“ გაიმარჯვა და 1 ქულიანი სხვაობა ძალაში დარჩა.“

„იმედგაცრუებული, მაგრამ ძალიან ამაყი ვარ, ვინაიდან ვხედავდი უდიდეს მონდომებას, რაც უმნიშვნელოვანესია.“

„ახლა უკვე ჩემპიონთა ლიგის ფინალზე გადავერთვებით. ზუსტად 2 კვირა დარჩა, რაც სრულიად საკმარისია კარგად მოსამზადებლად.“

„ფეხბურთელები დაისვენებენ, შემდეგ კი საფუძვლიან მომზადებას დაიწყებენ, ვინაიდან ფინალს ძალიან კარგ ფორმაში უნდა შევხვდეთ, სხვაგვარად ვერაფერი გამოვა.“

„ბეილს პოზიციის ხშირი ცვლა დავავალე. უელსელი ფეხბურთელი ხან მარჯვიდან, ხანაც კი მარცხენა ფლანგიდან ცდილობდა სიტუაციის გამწვავებას.“

„სეზონს დადებითად შევაფასებდი. ჩემი მუშაობით კმაყოფილი ვარ, დანარჩენი კი ხელმძღვანელობამ და ხალხმა უნდა შეაფასოს. ფეხბურთელებმა დიდი ბრძოლისუნარიანობა გამოავლინეს.“