ზინედინ ზიდანმა მატჩის შემდეგ კონფერენცია გამართა.

"გამარჯვებებს ვაგრძელებთ. ჩვენ აღებულ გეზს არასდროს გადავუხვევთ. იმედი მაქვს "გრანადა" თვის თამაშს ისე ჩაატარებს "ბარსელონას" წინააღმდეგ, როგორც საჭიროა, ჩვენ კი ჩვენს შეხვედრას მოვიგებთ."

"ამ ეტაპზე სატურნირე ცხრილში მორე ადგილზე გადავინაცვლეთ და შეგვიძლია ჩემპიონის ტიტულის მოპოვება. შესანიშნავად ვიცით ჩვენი ძლიერი და სუსტი მხარეები. ბოლომდე ვიბრძოლებთ და შედეგის მისაღწევად ყველაფერს გავაკეთებთ. მოდით ვაჩვენოთ ყველას, რომ ორივე ტიტულის მოპოვება გვსურს და შეგვიძლია."

"როტაციას ხშირად მივმართავ, რათა გუნდის ძალები კარგად გადანაწილდეს. "დეპორტივოსთან" შეხვედრაში შესაძლებლობების მაქსიმუმი უნდა გამოვავლინოთ. სეზონის დასრულებამდე სულ რაღაც 15 დღე დაგვრჩა."

"ბენზემასთვის დღვანდელი შეხვედრა მარტივი ჩასატარებელი არ იყო, რადგან მას ტრავმა ახალი მოშუშებული აქვს. მიუხედავად იმისა, რომ კარიმი საუკეთესო ფორმაში არ იმყოფება, მე მისი თამაშით კმაყოფილი ვარ. დარწმუნებული ვარ იგი აუცილებლად მოუმატებს და ჩემპიონთა ლიგის ფინალისთვის საუკეთესო ფიზიკურ კონდიციაში იქნება."

"ჩემი აზრით, ბენზემას გოლი უნდა ჩათვლილიყო, რადგან თავდამსხმელს ბურთი მოწინააღმდეგისგან მიუვიდა, მან კი ის საქმე შეასრულა, რაც ევალება. რეფერის გადაწყვეტილება მიიღო და ბურთი ჩათვალა."

"მოხარული ვარ იმით, რომ გუნდში ორი უმაღლესი დონის მეკარე მყავს. კიკო კასილიამ დღეს ბრწყინვალედ ითამაშა და მინდა მადლობა გადავუხადო. მან დღეს აჩვენა, რომ კეილორ ნავასისთვის კონკურენციის გაწევა შეუძლია."

"ჩემი ფეხბურთელების თამაშით კმაყოფილი ვარ. განსაკუთრებით კარგი იყო პირველი ტაიმი. სამწუხაროდ ლუკას ვასკესმა ტრავმა მიიღო. მას მუხლი აქვს ნატკენი. ვასკესს ხვალ შეხვდები მედიკოსებთან კონსულტაციის შემდეგ და შევიტყობ დგომარეობას. ამ ეტაპისთვის ლუკასის ტრავმასთან დაკავშირებით არაფერი ვიცი."

"კრიშტიანო რონალდომ კვლავ დუბლი შეასრულა. ეს დღე მისთვის მნიშვნელოვანი იყო. როდესაც ფეხბურთელს ჯანმრთელობის გამო პერიოდი უცდება, მისთვის უწინდელი რიტმის აკრეფა ძნელია, კრიშტიანომ კი ეს მოახერხა, რადგან იგი მსოფლიო დონის ვარსკვლავია."