კარიმი ოპტიმისტურად არის განწყობილი.

ცნობილი მადრიდული შემტევი ტრიო BBC ტრავმების გამო დროებით დაიშალა. ჯერ კრიშტიანომ მიიღო დაზიანება, ხოლო შემდეგ კარიმს შეახსენა ძველმა ტრავმამ თავი. დარჩა მხოლოდ გარეთ ბეილი, რომელიც მარტო ცდილობდა გუნდის დახმარებას თავდასხმის ხაზში, რაც მას საკმაოდ კარგადაც გამოუვიდა.

საბედნიეროდ პორტუგალიელმა ვარსკვლავმა ვარჯიში უკვე განაახლა და "სიტისთან" დაპირისპირებისთვის ემზადება. რაც შეეხება კარიმს, იგი "სოსიედადთან" შეხვედრამდე 7-8 დღით ადრე მედიკოსებთან ჩაეწერა სარეაბილიტაციო კურსზე.

სპორტული გამოცემა AS იტყობინება, რომ ზიდანს და ბენზემას ყოველდღიური საუბარი აქვთ ფრანგი ფორვარდის ფიზიკურ კონდიციებთან დაკავშირებით. როგორც ირკვევა, კარიმი ოპტიმისტურად არის განწყობილი და იგი დაგეგმილზე მეტ სამუშაოს ასრულებს იმისთვის, რომ ბერნაბეუზე ჩემპიონთა ლიგის ნახევარფინალური ეტაპის განმეორებით მატჩში თანაგუნდელებს დაეხმაროს.

As.com