ზინედინ ზიდანი მადრიდის „რეალიდან“ წამსვლელ ფეხბურთელთა სიას ამზადებს...

აღსანიშნავია, რომ გუნდს მინიმუმ 6 ფეხბურთელი დატოვებს. ფლორენტინო პერესი საკადრო წმენდისთვის ემზადება.

კულუარული ინფორმაციით, ხამეს როდრიგესის მადრიდული ცხოვრება სულ მალე დასრულდება. „რეალს“ კოლუმბიელი ფეხბურთელის სანაცვლოდ მინიმუმ 70 მილიონი ევროს მიღება სურს.

გარდა ხამესისა, წასვლას ისკო ალარკონსაც უწინასწარმეტყველებენ, მაგრამ ესპანელის პოზიციები კოლუმბიელთან შედარებით გაცილებით მყარია.

ამასთანავე ვრცელდება ინფორმაცია, რომ კოლექტივს ალვარო არბელოაც დატოვებს, ამასთანავე არ არის გამორიცხული ნაჩო ფერნადესის „ნაპოლიში“ გადასვლა.

გადაწყვეტილია, რომ ლუკას სილვა არენდით კვლავ სხვა კლუბში ითამაშებს, მაგრამ ეს არ იქნება „მარსელი“.

როგორც სჩანს, ზიზუს გადახალისება სურს, დანარჩენს კი მომავალი გვიჩვენებს.