ემილიო ბუტრაგენიომ ტრადიცია არ დაარღვია და „ვილიარეალთან“ გამარჯვების შემდეგ ჟურნალისტების წინაშე წარდგა...

„ცხადია შეშფოთებული ვარ, რადგან ახლა სეზონის გადამწყვეტი მომენტია, კრიშტიანო რონალდუ კი გუნდს სჭირდება. ვიმედოვნებ, ექიმების დასკვნები არ დაგვამწუხრებს.“

„გუნდმა 3-0 მოიგო და ვერავინ იტყვის, რომ დამსახურებული გამარჯვება არ გახლდათ. დაცვამ ძალიან ზუსტად ითამაშა, წინა ხაზში კი კრეატიულობა შეიმჩნეოდა.“

„ლუკას ვასკესის გოლმა ყველაფერს წერტილი დაუსვა. ახალგაზრდა კარგად პროგრესირებს.“

„მოდრიჩი სრულყოფილების განსახიერებაა. ხორვატი ფეხბურთელის გარეშე „რეალის“ თამაში ვეღარ წარმომიდგენია, ის საოცრად პროდუქტიული გახლავთ.“

„ბოლო წუთამდე ბრძოლაა საჭირო. ლა ლიგაში 4 ფინალი დაგვრჩა და დიდი ყურადღება გვმართებს. თასის მოსაპოვებლად 3 გუნდი იბრძვის. იმედი მაქვს, გამარჯვებულები გამოვალთ.“

„გარეთ ბეილთან დაკავშირებით დაზუსტებულ ინფორმაციას არ ვფლობ, მაგრამ მას „რაიო ვალეკანო“-სთან ველოდებით.“

„ბოლოდროინდელი მოვლენები ცხადჰყოფს, რომ ბრძოლა აუცილებელია. გულშემატკივრებს დიდი სიხარული მივანიჭეთ, თუმცა მთავარი წინ არის.“

„მადრიდის „ატლეტიკოს“ უდიდესი შანსი აქვს, სიმეონეს გუნდი შესანიშნავ ფორმაშია და დანებებას არ გეგმავს. ლა ლიგის ფინალური მატჩები ძალიან საინტერესოა.“