დღეს და ხვალ ლა ლიგის 34-ე ტურის დაპირისპირებები გაიმართება...

ექსპერტებს მიაჩნიათ, რომ ტურის დასრულების შემდეგ ესპანეთის ჩემპიონატის ცხრილში გარკვეული ცვლილებები დაფიქსირდება.

პირველ რიგში უნდა აღინიშნოს, მადრიდის „რეალი“, რომელსაც საშინაო არენაზე უმძიმესი მატჩის ჩატარება მოუწევს. მეტოქე „ვილიარეალია“, რომელმაც „ბარსელონასაც“ დააკარგინა ქულები, სწორედ მას შემდეგ დაიწყო კატალონიურმა კლუბმა რეგრესი.

მადრიდის „ატლეტიკო“ გასვლით შეხვედრას ბასკებთან გამართავს. „ბილბაო“ „ნუევო სან მამესზე“ 3 ქულის მოსაპოვებლად ყველაფერს გააკეთებს, ამიტომ სიმეონეს გუნდს დიდი ბრძოლის გადატანა მოუწევს.

და ბოლოს, ცუდ ფორმაში მყოფი „ბარსელონა“ ლა კორუნიის „დეპორტივოსთან“ გაარკვევს ურთიერთობას. ექსპერტებს მიაჩნიათ, რომ ლუის ენრიკეს გუნდი ჯავრს სწორედ „დეპორტივოზე“ იყრის, მაგრამ ასეთი პროგნოზი იყო „ვალენსიასთან“ შეხვედრის წინაც.

როგორც ხედავთ, ლა ლიგის 34-ე ტურში ლიდერები საკმაოდ მძიმე მეტოქეებთან ითამაშებენ.