მადრიდის "რეალის" აკედემიის აღზრდილმა ფეხბურთელმა, პაბლო სარაბიამ, რომელიც ამჟამად "ხეტაფეს" ღირსებას იცავს, განაცხადა, რომ მისი გუნდი აუთსაიდერობას არ იმსახურებს.

"იმისთვის, რომ ფეხბურთში გამარჯვება მოიპოვო გოლის გატანა არ კმარა. შენს მოწინააღმდეგეზე ყოველთვის ერთი გოლით მეტი უნდა გაიტანო. ჩვენ მთელი სეზონის განმავლობაში ვცდილობთ ამას და ყველაფერს ვაკეთებთ წარმატების მოსაპოვებლად."

"სამწუხაროდ ლა ლიგის სატურნირე ცხრილში აუთსაიდერთა რიგებს მივეკუთვნებით. ჩემი აზრით, ამ ადგილს არ ვიმსახურებთ, რადგან "ხეტაფეს" გაცილებით მეტი შეუძლია და დარწმუნებული ვარ ამ კრიზისულ ეტაპს გადავლახავთ."

"რაც შეეხება დღევანდელ შეხვედრას, ბევრი ვეცადეთ და ვიბრძოლეთ, თუმცა მადრიდის "რეალმა" მაინც დაგვამარცხა. სამეფო კლუბი იდეალურ ფორმაშია."

Bernabeudigital.com