რუუდ ვან ნისტელროისთვის ეს საღამო იყო დაუვიწყარი.როგორც მოგეხსენებათ ჰოლანდიელს რეალი მალაგას მატჩის დაწყებამდე პუბლიკა და ფეხბურთელები დიდი ოვაციით გამოემშვიდობა.ცერემონიის შემდეგ ჰოლანდიელი გოლეადორი გაემართა საკონფერენციო დარბაზში სადაც მან ორიოდ სიტყვით ისაუბრა მადრიდის რეალზე.

''მე ამ საღამოს არასოდეს არ დავივიწყებ, ეს იყო მეტად ემოციური ჩემთვის. მინდა ვისარგებლო შემთხვევით და ყველას უღრმესი მადლობა გადაგიხადოთ ასეთი თბილი გაცილებისთვის.მინდა იცოდეთ, რომ სადაც არ უნდა ვიყო მადრიდის რეალი და მადრიდისტები სულ მუდამ იქნებიან ჩემს გულში.''

''მადრიდის რეალის ყველა წარმატება გამიხარდება.ბედნიერი ვიქნები თუ ბლანკოსის ფეხბურთელები მოახერხებენ და მოიგებენ ჩემპიონთა ლიგას და ესპანეთის პრიმერა დივიზიონს.''

''კლუბი ყოველთვის თბილად იყო ჩემს მიმართ განწყობილი.თითოეული ფეხბურთელი თუ ხელმძღვანელობა ყოველთვის კარგად მექცეოდა რისთვისაც მინდა გადაგიხადოთ უღრმესი მადლობა.''

''ახლა თავს კარგად ვგრძნობ და იმედია ჩემს ახალ კლუბს დავეხმარები წარმატებების მიღწევაში. ძალღონეს არ დავიშურებ იმისთვის, რომ 2010 წლის მსოფლიოს ჩემპიონატზე გავემგზავრო ჰოლანდიის ნაკრებთან ერთად.''


HalaMadrid!!!

ინფორმაციის წყარო: RealMadrid.Com



სტატიის ავტორი: RealMadridFan