დღეს ზინედინ ზიდანის მმართველობის მეასე დღეა. ალბათ სიმბოლურია, რომ „რეალი“ ამ საღამოს სეზონის ერთ-ერთ ყველაზე მნიშვნელოვან მატჩს გამართავს...

100 დღეში მადრიდისტებმა ბევრი სიხარული და იმედგაცრუება ნახეს, თუმცა ყველაზე მეტად „ელ კლასიკოს“ მოგება ახსოვთ.

სულ ცოტა ხნის წინ „რეალმა“ „ნოუ კამპზე“ კატალონიის „ბარსელონას“ 39 მატჩიანი წაუგებელი სერია დაასრულა.

მადრიდელებს იმედი აქვთ, რომ სიმბოლური მეასე დღე ძალიან წარმატებული გამოდგება და „ბლანკოსი“ ჩემპიონთა ლიგის 1/2 ფინალის საგზურს მოიპოვებს.