კრიშტიანო რონალდომ Real Madrid TV-ს ინტერვიუ მისცა. მან ყურადღება გაამახვილა "ვოლფსბურგთან" მატჩზე და ფანების თანადგომა ისურვა.

"სამშაბათს მაგიური საღამოს მოლოდინი მაქვს და ვფიქრობ ეს გამოწვეული იქნება მადრიდისტების გულშემატკივრობით. ყველა ერთად, ერთობლივი ძალებით შევძლებთ ნახევარფინალური სტადიის საგზურის მოპოვებას."

"თერთმეტი მოთამაშით მინდორზე, დანარჩენი ფეხბურთელებით სათადარიგო სკამზე და 80'000 მაყურებლით სასურველი შედეგის მიღწევა შესაძლებელი იქნება. ძალიან კარგი იქნება, თუ სანტიაგო ბერნაბეუ გაივსება და 90 წუთის განმავლობაში ქომაგები ჩვენს გვერდით იქნებიან."

"ყველა მომენტი გადამწყვეტი იქნება. მაქსიმალურად ვეცდებით მინიმალური შანსების გამოყენებას. შეცდომის დაშვების უფლება არ გვაქვს, რადგან ჩვენ ვართ მადრიდის "რეალი". ჰალაააა მადრიიიიიიიიდ."

Realmadrid.com